川熙樓 (已結業)

最近爱上左食川菜，今晚趁住约左无辣不欢既朋友食饭，当然揾返间坐得舒服而又有好野食既川菜馆啦。位于君怡酒店既川熙楼，晚饭时间有得拣任食边炉同埋小菜，钟意食各式各样川菜既我地，当然拣小菜啦。餐厅地方不但阔落而且舒适，布置仲好有格调，带俾人中国古色古香既感觉。水煮鱼水煮鱼有大同埋例牌两个份量，我地人数唔多，只系叫左个例牌。上菜时散发出阵阵麻香味，虽然面层布满辣椒同红油，但系入口无想像中咁辣，鱼块唔单止无骨，而且鲜嫩软滑，而且相当入味。除此之外，锅里面仲有各式各样既配菜，好似青瓜，云耳，芽菜，薯粉等等。薯粉既弹牙又滑溜，吸收晒汤底既味道后，入口又麻又辣，感觉非常过瘾。辣子鸡丁碟上布满辣椒，鸡丁炸得香脆，味道辣之余亦非常麻，一粒一粒食食到停唔到口，不过味道有点浓，适宜拌饭食，亦都系拌酒佳品。重庆酸辣粉汤底呈红色，酸辣粉用左薯粉，口感烟韧弹牙，加埋肉碎同花生，入口又酸又麻，吸收左汤嘅味道后非常好味，香味十足，简单既配料反而令酸辣粉更有层次感。呢度既食物相当有水准，环境亦都好舒适，适合一大班人黎食，咁就可以叫多D唔同既食物啦。