鮮選壽司 (已結業)

好开心香港终于有多啲亲民价钱嘅寿司店，今次去donki买嘢经过见到就行入去试吓。- 环境呢间环境几好，坐位相当寛阔，枱与枱之间亦有适当嘅距离，唔会听到隔离枱讲紧啲咩。位于闹市之中，上多一层就系人来人往嘅Donki，但系呢度嘅环境十分安静，而且装修好有日式风格，感觉好似食紧日本omakase咁。每张枱都会有一部平板电脑点餐，非常适合放工之后唔多想讲野嘅各位打工仔！- 食物比较同类型嘅日式寿司店寿司郎，佢嘅价钱比较高，但依然比元気平。食物嘅质素都偏高，感觉上比起寿司郎好小小。食物嘅摆盘好靓，如果唔标明价钱，我以为自己食紧几百蚊一碟嘅高级和式料理，好适合钟意打卡嘅人去！而且每一只碟都系唔同款，各有特色。呢度嘅上菜速度好快，我系夜晚七点半左右嘅繁忙时间去食，服务员同师傅都好爽手，落完单五分钟都冇就已经到！