雲壽司 (聯成商業中心)

营业中

休息中

🔸特上寿司拼盘 $250-行街行到攰攰哋，见到世贸附近有间排队嘅寿司店，好奇一望原来唔太贵，自选寿司10件都系百零蚊，于是就同男朋友排队试一试。入到去见隔离两边都系叫拼盘，我哋又选择困难症发作，唔想谂于是就拣咗食材都算几高级嘅特上拼盘。等紧嘅同时可以饮住抹茶先，仲可以望住前面嘅寿司师傅即场握寿司，预算再多啲更加可以叫Omakase𠻹！寿司质素真系好唔错啊，特上拼盘里面有海胆、吞拿鱼腩、深海池鱼、牡丹虾、三文鱼籽、火炙左口鱼边、赤贝等，总共十款唔同口味，每一款都食得出食材非常新鲜，鱼生有丰富嘅鱼油香。仲要特别赞下个寿司饭系用咗日本米，咬感非常好。总结系，好满足同会有下次啊！