影片
更多
2021-09-04
245 浏览
餐厅位于巷仔内，沿马头围道行就揾到。今日二人试左五个小菜（好大食），分别系黑松露墨鱼饼、黄金咸蛋黄炸鱼皮、沙拉骨、咸肉椰菜花干锅同蜜椒薯仔牛柳粒。上菜先黎炸鱼皮，用既鱼皮厚身，咬落脆但唔死硬，每块鱼皮都包满左咸黄金，食到咸蛋黄香，调味亦唔会过咸，但上菜是只属微暖，如果热啲会更好。之后到墨鱼饼，此可谓餐厅招牌菜，差唔多人人都嗌。墨鱼饼一碟七块，入口弹牙，亦食到墨鱼粒，餐厅加左黑松露调味，食落同墨鱼出奇地夹，松露味亦唔会太重手搞到失平衡，推荐！蜜椒薯仔牛柳，同出面一贯做法差唔多，先炸后炒，薯仔食到脆口，炸得透，牛柳有牛味软淋无渣无筋，肉质几好，如果切一粒啲就更好，汁就比较重黑椒味，坊间偏甜既汁呢到就比出面咸同重黑椒味。沙拉骨就用左肋骨位，每旧都大大旧，每旧都咬到啖啖用，猪肉肉质正常唔会过老，调味偏酸，捞饭一流。最后黎既就系干锅，上菜是仲咋咋声，柳菜花配以咸肉加上老干妈炒，入口带麻辣，又系送饭一流。铺头仲有出面好小食到既猪油捞饭，饭以钵仔煲起，米粒比平时白饭干同硬，方便捞猪油及豉油后唔会太湿同软烂，再捞上芫茜及葱，净系饭都食到3碗！（记得问下有无，好快卖哂）铺有于巷内有几个铺位，但都经常爆满
今日二人试左五个小菜（好大食），分别系黑松露墨鱼饼、黄金咸蛋黄炸鱼皮、沙拉骨、咸肉椰菜花干锅同蜜椒薯仔牛柳粒。
上菜先黎炸鱼皮，用既鱼皮厚身，咬落脆但唔死硬，每块鱼皮都包满左咸黄金，食到咸蛋黄香，调味亦唔会过咸，但上菜是只属微暖，如果热啲会更好。
之后到墨鱼饼，此可谓餐厅招牌菜，差唔多人人都嗌。墨鱼饼一碟七块，入口弹牙，亦食到墨鱼粒，餐厅加左黑松露调味，食落同墨鱼出奇地夹，松露味亦唔会太重手搞到失平衡，推荐！
蜜椒薯仔牛柳，同出面一贯做法差唔多，先炸后炒，薯仔食到脆口，炸得透，牛柳有牛味软淋无渣无筋，肉质几好，如果切一粒啲就更好，汁就比较重黑椒味，坊间偏甜既汁呢到就比出面咸同重黑椒味。
沙拉骨就用左肋骨位，每旧都大大旧，每旧都咬到啖啖用，猪肉肉质正常唔会过老，调味偏酸，捞饭一流。
最后黎既就系干锅，上菜是仲咋咋声，柳菜花配以咸肉加上老干妈炒，入口带麻辣，又系送饭一流。
铺头仲有出面好小食到既猪油捞饭，饭以钵仔煲起，米粒比平时白饭干同硬，方便捞猪油及豉油后唔会太湿同软烂，再捞上芫茜及葱，净系饭都食到3碗！（记得问下有无，好快卖哂）
铺有于巷内有几个铺位，但都经常爆满，想去记得预早去等位或宵夜时去（以往10点后有88折，但疫情关系暂只营业到10点）
张贴
