影片
更多
2018-01-18
254 浏览
其实一直都好钟意食茶餐厅，不过食黎食去都系常餐同埋d例牌菜，你唔厌我都厌。趁今日去开元朗，就一于揾下依头有咩出名茶餐厅好食，之后就俾我揾到依间-万芳冰室。万芳冰室ge位置都几偏僻，如果唔系特登去相信都唔会经过个头，咁言归正传，佢又有咩特别呢？万芳冰室最岀名就系佢ge生炸无敌大鸡脾-无错，听落你未必觉有几特别，但系食落你就知有几正！首先一去到，即刻嗌左个招牌ge生炸大鸡脾太阳蛋饭，同埋叫左一杯热奶茶。由于鸡脾应该系即叫即炸ge关系，佢都要等十分钟左右先上到，不过佢都好贴心咁送左碗汤俾我饮住先。咁汤方面佢有中汤，罗宋汤同南瓜忌廉汤俾我拣，我就拣左中汤，咁其实就系粉葛赤小豆煲猪骨汤，饮落虽然少不免会有d味精味，但都算足料而且入味，都算唔错la. 好la终于入正题-究竟依到ge鸡脾饭有咩咁特别？我唔讲咁多，俾你睇左相先:一个字:大！就你所见，佢只鸡脾系有半只碟咁大，都差唔多大过我块面咁济。而且佢唔单只大，而且脆，同埋滑。佢ge外皮炸到脆卜卜，但系入面ge肉却难得保持滑嫩，唔会好似其他餐厅d鸡脾咁炸到d肉老晒,值得一赞！豉油方面用左甜豉油，配埋靓仔ge太阳蛋，捞饭一流，真系无得输。最后佢ge奶茶
万芳冰室ge位置都几偏僻，如果唔系特登去相信都唔会经过个头，咁言归正传，佢又有咩特别呢？
万芳冰室最岀名就系佢ge生炸无敌大鸡脾-无错，听落你未必觉有几特别，但系食落你就知有几正！
首先一去到，即刻嗌左个招牌ge生炸大鸡脾太阳蛋饭，同埋叫左一杯热奶茶。由于鸡脾应该系即叫即炸ge关系，佢都要等十分钟左右先上到，不过佢都好贴心咁送左碗汤俾我饮住先。咁汤方面佢有中汤，罗宋汤同南瓜忌廉汤俾我拣，我就拣左中汤，咁其实就系粉葛赤小豆煲猪骨汤，饮落虽然少不免会有d味精味，但都算足料而且入味，都算唔错la.
好la终于入正题-究竟依到ge鸡脾饭有咩咁特别？我唔讲咁多，俾你睇左相先:
一个字:大！就你所见，佢只鸡脾系有半只碟咁大，都差唔多大过我块面咁济。而且佢唔单只大，而且脆，同埋滑。佢ge外皮炸到脆卜卜，但系入面ge肉却难得保持滑嫩，唔会好似其他餐厅d鸡脾咁炸到d肉老晒,值得一赞！豉油方面用左甜豉油，配埋靓仔ge太阳蛋，捞饭一流，真系无得输。
最后佢ge奶茶都算唔错，茶味较重而不涩，属中上水准。
总括黎讲，如果你系肉食控，想试下高水准而又份量惊人ge鸡脾，不妨值得一试！
张贴
