影片
更多
2022-10-10
613 浏览
是咁的~ 好耐冇写过食评今次遇到好西决定要再次出山因为有事庆祝所以早左一个月已经订左黎天海到食，之前一直都有听讲过天海系由日本师傅主理所以一直都想黎试试天海做紧平日晚市优惠，$500一位都可以食到omakase，呢个价钱都真系几吸引嫁Omakase系由日文"任せる"(makaseru)演变出黎，有住委托嘅意思，简单讲啫系"你话事"咁解，所以而家menu上见到嘅野食系会随住师传因应食材时令而改变嫁。一入座职员会问你饮咩，而同一时间师传就会准备食材，食omakase最重要系可以近距离欣赏到师傅熟练嘅手艺，个人觉我系一种享受同埋系对师传一种尊重黎前菜系南瓜肉碎南瓜煮到好淋而且食落好甜配合埋肉碎嘅咸香，味道好夹好醒胃第一道就系炸虾天妇罗呢一样简直系天海嘅Signature炸浆薄脆，虾嘅鲜甜味十足而且一d都唔会好干好柴，保持到弹牙口感。每一件上枱果阵都会有职员(广东话)讲番系点天妇罗汁定系点盐食，呢件海老就系点盐，而我觉得最正系用手(食指同母指)夹起少少盐，然后手指前后捽咁样洒d盐落去，咁样比起成件夹起去点更加均匀，唔会食落突然觉得有啖咸左d，洒d盐上去令到件海老更加鲜甜，好正第二件系鱿鱼呢件要
因为有事庆祝所以早左一个月已经订左黎天海到食，之前一直都有听讲过天海系由日本师傅主理所以一直都想黎试试
天海做紧平日晚市优惠，$500一位都可以食到omakase，呢个价钱都真系几吸引嫁
Omakase系由日文"任せる"(makaseru)演变出黎，有住委托嘅意思，简单讲啫系"你话事"咁解，所以而家menu上见到嘅野食系会随住师传因应食材时令而改变嫁。
一入座职员会问你饮咩，而同一时间师传就会准备食材，食omakase最重要系可以近距离欣赏到师傅熟练嘅手艺，个人觉我系一种享受同埋系对师传一种尊重黎
前菜系南瓜肉碎南瓜煮到好淋而且食落好甜配合埋肉碎嘅咸香，味道好夹好醒胃
第一道就系炸虾天妇罗呢一样简直系天海嘅Signature炸浆薄脆，虾嘅鲜甜味十足而且一d都唔会好干好柴，保持到弹牙口感。每一件上枱果阵都会有职员(广东话)讲番系点天妇罗汁定系点盐食，呢件海老就系点盐，而我觉得最正系用手(食指同母指)夹起少少盐，然后手指前后捽咁样洒d盐落去，咁样比起成件夹起去点更加均匀，唔会食落突然觉得有啖咸左d，洒d盐上去令到件海老更加鲜甜，好正
第二件系鱿鱼呢件要好小心因为系超级热亦都系洒盐食，一样系会带出鱿鱼嘅鲜甜，而且食材新鲜所以同时食到炸浆嘅酥脆同鱿鱼嘅爽脆，系双重口感呀！
第三件系一款白身鱼(而我唔记得左咩名，应该系沙钻)，呢款鱼开头入口比较轻盈清新，但慢慢食落去都有几香嘅鱼味，白身鱼黎讲系绝对合格嘅味道
跟住到冬菇呢件菇一定俾你地想像中好食，菇味好浓又有菇汁(唔系废话)，呢件点天妇汁系非常好食，完全发挥到件食材
菇之后系另一款蔬菜，豆两款蔬菜系一样咁出色，呢款豆好脆好甜
跟住系帆立贝天妇罗配山葵盐呢件食材系非常高质，而且好讲炸嘅时间，好易过时就变柴，炸唔够时间又会唔够熟，所以呢件系食师传嘅工艺多过味道，讲真个人觉得帆立贝点都系刺身先食到最鲜甜嘅果一面
再黎就系三文鱼，呢到系两人份量黎，呢件天妇罗整嘅步骤要烦多少少，炸完之后师传系需要做resting，相信系用时间俾余温去煮三文鱼最中心嘅位置而唔直接延长炸嘅时间去避免三文鱼肉变得比较干同柴。呢件上碟果阵已经淋左酱汁所以唔洗要去点盬/天妇罗汁，味道亦好好，保持到三文鱼香之外仲可以keep到有肉汁，估唔到三文鱼都可以咁样整做天妇罗
最后登场就系穴子，亦啫系海鳗，而平时经常食到嘅鳗鱼系淡水鱼黎，所以佢地食落口感都好唔同，穴子系好绵滑又带淡淡嘅香味，天妇罗嘅做法系将穴子口感带到另一个层次，酥脆同绵滑同一时间呈现面前，钟意食穴子嘅人系必试Menu上最后嘅主食系饭，今日个菇饭几特别，用到姜汁去整，不过个人都麻麻地姜喇
呢个系压轴重头戏和牛寿喜烧，呢样off-menu，需要订位果阵已经要预订(两位起)，唔系黎到想食都冇人帮到你喇两个字﹕必食！和牛非常极之咁靓，放入口系化开牛味浓而且好重油香，放入口果刻包你好食到讲唔到野
有人话点解omakase卖咁贵，我觉得除左食材靓之外，最重要系食果种匠人精神。日本傅统一个寿司师传系要由执头执尾开始做几年先一步步去做准备食材果个，随时用上10年时间你先可以握第一件寿司俾客食。天妇罗师传都系一样，一炸就系一生，一生悬命，或者唔系人人能够理解，但佢地都系会继续专注自己嘅工作，就睇下有几多知音人去赏识佢地喇
张贴
