天丼 (已搬遷) 新店位置

朋友介紹話呢間天婦羅好好食，平時要大排長龍，仲要限時食一個鐘。嗰日經過難得唔使排隊，就入咗去食。我點左豚骨白湯天婦羅烏冬，再加左一個甜品和麻糬。天婦羅即叫即炸，食落去熱辣辣，天婦羅炸得好好，表面金黃又夠脆，食落去個表面唔會有厚粉，點埋天婦羅汁食唔會好油，完全冇油膩嘅感覺。個烏冬好彈牙又滑，湯底都好入味，食果陣濃濃豬骨湯味傳入鼻，食完都冇口渴，證明唔係味精湯。和麻薯都有驚喜，佢係凍食嘅，咬落果口感好煙銀，配合花生芝麻粉食好正，真係超乎預期！