三代目 (港運城)

营业中

休息中

收工同朋友嚟到北角呢间日本料理－三代目。 钟意呢度坐位够宽敞，好适合同朋友坐低倾下计。食物选择亦丰富，今日我地两个人就一人叫左个面再加烧鱼，天妇罗等等。辛烧豚梅肉拉面 ＄98 拉面面质弹牙，汤底带点辛辣刺激味蕾，豚梅肉柔软顺滑，一啖汤一啖面，正呀。豚肉酱油鱼介拌面＄92 面底加上多款爽口配菜、香葱、樱花香等，味道充满层次，拌起生蛋黄同鱼介酱汁更添滋味。烧喜之次＄108 鱼肉带点烧起带点焦香，咸加点柠汁鲜味提升。烧一口牛＄38 牛肉非常腍滑，肉味仲好香浓。海之天妇罗(虾, 鲷鱼, 黑松露带子, 墨鱼, 紫苏叶)＄118天妇罗质素令人喜出望外，炸皮薄得嚟够脆，质感轻巧唔油腻。最出色系黑松露带子，外脆内嫩。