富豪酒家

营业中

休息中

过完中秋又到左我自己另一个满心欢喜嘅蟹季，周围都有大闸蟹宴，我就选择咗豪华派嘅富豪酒家超值大闸蟹宴，款款都别具心思。首先第一道菜就已经系非常珍贵嘅生拆大闸蟹粉翅，现场即煮直击真系生拆蟹粉，原汁原味最新鲜嘅程度献上，砂锅翻炒香到不得了。一条条粗身嘅鱼翅同高汤按一比一比例逐一下锅，出唻浓度啱啱好，实至名归嘅色香味俱全。另外戏肉当然就系原只嘅江苏大闸蟹，每一只都够晒饱满，真系未食都已经流晒口水，对半打开认真系爆膏，半透明蟹膏够晒吸引，食完喺黄蟹膏之后里面啲蟹肉都千祈唔好错过！清甜嘅程度超出预期。食完个全蟹宴最好嚟返啲滋补甜品，姜茶芝麻汤圆，始终大闸蟹都系比较寒凉嘅食物，所以师傅都好贴心谂咗一度有姜嘅甜品可以爱嚟驱寒，味道果然够姜，流心嘅芝麻汤圆软软糯糯，清新又滋润，食完个身都暖一暖。