花月宮

营业中

休息中

尖沙咀新开火锅店，用咗金色嘅横梁营造宫殿嘅效果，人多亦可以包房，可以在房内唱K。火锅汤底选择好多，我同朋友拣左滋润养颜雪莲子桃胶椰子鸡锅，用上左大量椰子，汤底好清甜，鸡份量亦好多，肉质鲜嫩。风花雪月手打丸拼盘一次过试晒6款手打丸 - 鲍鱼丸、干具丸、墨鱼丸、流心芝士墨鱼丸、鲜虾丸、流沙黄金虾丸。最特别系饱鱼丸同埋干具丸，饱鱼丸真系用个鲍鱼外壳装住，咬落去口感非常弹牙，干具丸入面食到干具粒，好鲜甜，另外流心芝士墨鱼丸同埋流沙黄金虾丸非常有创意，虾丸入面有好大只鲜虾，非常高质。薄切牛舌心牛舌心切得超薄，口感富有弹性又软嫩多汁，非常新鲜。新鲜猪颈肉砌到一朵花既形状，油花分布均匀，肉质粗且有韧性。风花雪月手饺子拼盘用架装住，一上枱已经觉得好架势，一次过试晒5款水饺同埋鲜虾云吞，韮菜饺皮系绿色，卖相特别，重庆辣子鸡肉饺用左橙色饺子皮，重庆辣味重，岩哂中意食辣朋友，另外最推介野菌黑松露饺，黑松露香气浓郁。