影片
更多
2021-12-06
1169 浏览
睇店名都知主打喺卖地中海菜，其实咩叫做地中海菜呢？小弟理解就喺地中海周边一啲地区嘅菜式，如希腊、意大利、土耳其……等地，亦有听人讲过喺高纤、高钙、抗氧化嘅食材运用，就喺地中海饮食，查实喺点我就真喺无深入研究过，总之，今晚嚟到「OPA」，就喺轻松愉快食好嘢啦！餐厅以酒吧为设定，所以，无论环境，抑或气氛，都比较讲求型格同格调，幽暗嘅灯光，轻柔嘅音乐营造出轻松嘅气氛。近细巷一边门面，采开放式设计，主要喺啲高脚枱櫈，俾人饮吓嘢，而里面就主要为用餐区，一派西餐厅布置。场内最吸晴嘅位置喺悬挂咗一张大藤椅，背后更有一张巨型人像彩绘，几有艺术感。由于灯光比较暗，所以，餐牌就唔喺影得太清楚。以主餐牌而言，食物选择都几多，由前菜、汤品、沙律、薄饼、饭品、意大利面、主菜类到甜品都一应俱全；而饮品，啤酒、红白餐酒、烈酒、鸡尾酒、果汁、汽水、啡茶都一一有提供。我哋就简单啲，唔多谂，拣咗个二人晚餐，包咗前菜、意粉、烤鸡及甜品，定价$348，都几划算。Big Bang $88晚餐就唔包饮品，所以，拣咗两杯无酒精鸡尾酒试试。一眼就相中呢一杯「Big Bang」，因为3样成份都喺小弟嘅有心水：芒果、热情果及菠萝。更有趣
餐厅以酒吧为设定，所以，无论环境，抑或气氛，都比较讲求型格同格调，幽暗嘅灯光，轻柔嘅音乐营造出轻松嘅气氛。近细巷一边门面，采开放式设计，主要喺啲高脚枱櫈，俾人饮吓嘢，而里面就主要为用餐区，一派西餐厅布置。
场内最吸晴嘅位置喺悬挂咗一张大藤椅，背后更有一张巨型人像彩绘，几有艺术感。
由于灯光比较暗，所以，餐牌就唔喺影得太清楚。以主餐牌而言，食物选择都几多，由前菜、汤品、沙律、薄饼、饭品、意大利面、主菜类到甜品都一应俱全；而饮品，啤酒、红白餐酒、烈酒、鸡尾酒、果汁、汽水、啡茶都一一有提供。我哋就简单啲，唔多谂，拣咗个二人晚餐，包咗前菜、意粉、烤鸡及甜品，定价$348，都几划算。
Big Bang $88晚餐就唔包饮品，所以，拣咗两杯无酒精鸡尾酒试试。一眼就相中呢一杯「Big Bang」，因为3样成份都喺小弟嘅有心水：芒果、热情果及菠萝。更有趣喺用上一只雀仔嘅酒杯，非常得意，入口冰凉，有多重果香，酸酸甜甜嘅感觉，几醒神。
Big Bang
$88
31 浏览
0 赞好
0 留言
友人无特别偏好，都只喺随心拣，结果就要咗依一杯以野莓、青柠、橙汁沟成嘅「Jackie Brown」，面面加咗一大片橙干，非常之靓。佢话入口初段会较酸，喺野莓跟青柠嘅协同效应，随之饮落去，就有一种平衡感，酸爽清香。
Jackie Brown
$88
44 浏览
0 赞好
0 留言
先由沙律登场，餐牌都写到明有洋葱、青瓜、彩椒、希腊芝士、柠檬汁，当然，大量藜麦就有眼你见，再加少少火箭菜垫底，喺一道极之健康嘅沙律。每种食材都好新鲜，希腊芝士嘅咸香，又吊吊味，变得味道唔单调，虽然简单，但整体感觉唔错。
香蒜橄榄油意粉（晚餐）呢一款喺好经典嘅意大利面之一，外表睇落可能平平无奇，但做得好好食。一来面条煮得好有咬口，极有烟韧感，二来充满蒜香，却唔会太霸道，加上落足橄榄油，油润好味。
香蒜橄榄油意粉
21 浏览
0 赞好
0 留言
烤鸡烤得金香，有少少㶶位，并伴有新鲜嘅沙律菜及香脆嘅薯条，佐以自家制嘅蜜糖芥末酱。只鸡果然有水准，外皮非常香脆，肉质嫩滑富肉汁，唔会「干峥峥」，而且，腌得入味，食落有点香料嘅香味。
地中海烤鸡
28 浏览
0 赞好
0 留言
甜点可以拣心太软或西班牙油条，后者未必咁常有机会食，所以，就拣油条。油条炸得十分香脆，入口却完全无油腻感，热焫焫配上朱古力浆及夹埋个雪糕嚟食，喺好好嘅结尾。
都讲过好多次，依家啲酒吧餐厅做菜好有一手，今晚到访嘅「OPA」亦然。所以，嚟饮吓嘢又好，食餐饭都好，加上环境轻松，招呼到位，店员亦好有礼，定会有个愉快嘅晚上。
张贴
