円相

营业中

休息中

今日同老公去尖沙咀睇戏再晚餐，去左朋友介绍既居酒屋试下，本身见到门口担心入面位置会比较逼，但入到去发现位置都几宽敞，估唔到门口细细入面座位都几舒服。本身想点朋友推介嘅明太子玉子烧同明太子虾冷乌冬，但系咁啱明太子卖晒唯有试吓其他餐厅嘅推介。蟹柳蟹籽玉子烧 : 🌟🌟🌟🌟🌟好足料，劲多蟹籽超开心。食落王子口感好甜好滑。铁板香草牛油帆立贝 ：🌟🌟🌟🌟本身点嘅时候担心会太油，但系牛油味好香食落口感唔会太油。带子都软熟。和风紫菜鱿鱼须 ： 🌟🌟🌟🌟🌟🌟新鲜炸既，上枱嘅时候热辣辣。炸到表面非常之脆口，但鱿鱼就好软身一啲都唔会韧。每一啖都有紫菜嘅味道，推！蒜香牛柳粒黑酱油炒饭 ： 🌟🌟🌟🌟🌟见到系餐厅人气推介就试一试。牛肉味都算浓，而且牛肉虽然切粒粒，但系唔会韧食落口感都OK。值得一提系饭嘅酱油味好香，但又唔会太咸。整体嚟讲我觉得呢间居酒屋好啱同朋友去摸吓酒杯底倾吓心事，下次一定会再去试佢嘅明太子。