九鬼居酒屋 (高街)

营业中

休息中

火炙左口鱼边寿司大推！好味到令我爱上咗左口鱼！经炙烧嘅左口鱼边充满鱼油甘香，入口嫩滑，出面包住紫菜除咗增加咗脆口口感仲可以解解油腻。香葱拖罗蓉小卷去完日本食拖罗食上瘾，小卷满满拖罗蓉好丰富又够肥美，食得出用料好新鲜！串烧：鸡皮/鸡肾/鸡软骨/汁烧鸡肝/盐烧牛舌心嚟到居酒屋当然要叫串烧，除咗食材好高质，亦食得出师父嘅心机！汁烧鸡肝绝无腥味好香口，牛舌配上柚子胡椒更惹味，款款Juicy！自家制免治鸡肉棒居酒屋必点鸡肉棒，鸡肉混合鸡软骨比例啱啱好，点埋生蛋同甜酱油味道浓郁。季节野菜沙律呢个前菜我由头食到尾，食下串烧再食沙律fresh一fresh就识食啦！冻日本素面以为系普通素面？其实内有鲜甜海胆加三文鱼子！配埋个好清甜嘅汤汁，天气热时整返碗爽啦！