鶴崎居酒屋 (已結業)

平時中午食飯見到呢間餐廳都要等位， 一直都好想試，今日放工時間尚早， 終於可以去試吓。一入去環境感覺好舒服，裝修都好靚，天花掛住燈籠同埋紙傘，好有日本居酒屋嘅感覺。我地叫咗雲糖壽喜鍋（安格斯牛小排）雲糖其實就係棉花糖， 嚟到會見到一個大大嘅棉花糖， 啱晒打卡， 之後就會慢慢溶落個鍋到。鍋嘅配料好豐富，有好多蔬菜、豆腐、菇菌等等， 仲會配一隻生蛋蘸牛肉食， 牛小排份量都唔少，而且好新鮮，油花分布平均。七味墨魚咀口感爽口彈牙，炸得香脆金黃色，墨魚咀佈滿七味粉，非常惹味。蒜燒廣島蠔、帆立貝北海燒燒得啱啱好， 唔會太熟太乾， 食得出好新鮮。配埋沙律醬同牛油，超香又惹味。南蠻炸雞籃非常推薦， 炸得香脆又保持到肉汁，好juicy。外皮厚度啱啱好， 炸得唔會乾。配埋他他醬同南蠻醬汁，酸酸甜甜，非常好食。