影片
更多
2022-12-09
44 浏览
最近上环开左间高级既日本料理，评价非常唔错，适逢朋友生日，就带佢黎试下啦！餐厅用左木系既日式设计，分左吧台位同雅座。一入去就留意到有超大既窗可以望出街景，感觉开扬。天花上仲挂左一个个和风灯笼，好有情调。我地拣左坐吧台位，可以清楚睇到厨师烹调既过程，厨师上菜既时候仲会同我地介绍每道菜式既特点添！而睇menu 个时，店员好贴心咁递上热茶、热毛巾比我地抹手～✨鹅肝海胆紫苏卷厨师用紫苏叶包住鹅肝同海胆，再沾上炸浆去炸。紫苏叶炸到好酥脆，而入面既鹅肝同海胆就呈融融地既状态，口感好丰富。一入口系鹅肝既香、海胆既甜，最后回甘既系紫苏叶既清新，层次丰富。✨宫崎A4和牛他他和牛他他上面有只鲜黄既蛋，比你捞匀包住食。有唔少朋友都惊生食牛肉，但呢到系完全唔会有腥味，反而系淡淡既甜味，感觉比想像中light 。旁边有四块紫菜天妇罗比你包住牛肉食，紫菜天妇罗炸得好脆，配上滑溜既生牛肉简直系一流既搭配！✨厨师长秘制吞拿鱼下颚一上菜见到成旧煨番薯咁，外面又干，心谂唔通中伏！但原来内有干坤！一夹入到出乎意料地松软，入面既油脂即刻涌现，闪烁住油光，入面啲肉非常soft，一入口就融化，而外层既肉并唔系干，而系焦脆。厨师只
最近上环开左间高级既日本料理，评价非常唔错，适逢朋友生日，就带佢黎试下啦！
餐厅用左木系既日式设计，分左吧台位同雅座。一入去就留意到有超大既窗可以望出街景，感觉开扬。天花上仲挂左一个个和风灯笼，好有情调。
我地拣左坐吧台位，可以清楚睇到厨师烹调既过程，厨师上菜既时候仲会同我地介绍每道菜式既特点添！而睇menu 个时，店员好贴心咁递上热茶、热毛巾比我地抹手～
✨鹅肝海胆紫苏卷
厨师用紫苏叶包住鹅肝同海胆，再沾上炸浆去炸。紫苏叶炸到好酥脆，而入面既鹅肝同海胆就呈融融地既状态，口感好丰富。一入口系鹅肝既香、海胆既甜，最后回甘既系紫苏叶既清新，层次丰富。
✨宫崎A4和牛他他
和牛他他上面有只鲜黄既蛋，比你捞匀包住食。有唔少朋友都惊生食牛肉，但呢到系完全唔会有腥味，反而系淡淡既甜味，感觉比想像中light 。旁边有四块紫菜天妇罗比你包住牛肉食，紫菜天妇罗炸得好脆，配上滑溜既生牛肉简直系一流既搭配！
✨厨师长秘制吞拿鱼下颚
一上菜见到成旧煨番薯咁，外面又干，心谂唔通中伏！但原来内有干坤！一夹入到出乎意料地松软，入面既油脂即刻涌现，闪烁住油光，入面啲肉非常soft，一入口就融化，而外层既肉并唔系干，而系焦脆。厨师只轻轻咁用盐调味，吊出吞拿鱼既鲜。极力推介！
✨ 季节刺身盛合
师傅会拣时令既刺生黎做，所以次次黎都唔同。今次就有蜜甘鲷、牡丹虾、深海池鱼、拖罗。鱼生固之然新鲜，但仲有好多惊喜！深海池鱼肉质鲜嫩肥美，脂厚油香，尤其师傅轻轻烧左表面，味道更丰富。蜜甘鲷既肉超级tender，甜得黎之余仲真系食到淡淡既甘橘香气。
✨ 宫崎A4和牛寿喜烧
和牛都有三大片，锅入面仲有小松菜、豆腐、舞菇、冬菇得配料，性价比都几高。和牛非常出色，油脂丰富，转眼就融系口入面。而寿喜烧既汁味道亦唔会过甜，食得舒服～
✨ 五卵卡邦尼乌冬
五卵指既系明太子、海胆、乌鱼子、温泉蛋、三文鱼籽，呢碟乌冬味道鲜美，间唔中又食到少少辣味，又会咬到三文鱼籽既甜
。酱汁滑溜creamy ，鸟冬非常挂汁，食完非常满足。
最后仲有柚子雪葩甜品，上面既柿饼用左一块块既柿子皮夹住，雪葩唔会好甜，仲会食到一粒粒柚子果肉，令人耳目一新，完美作结！
季节刺身盛合
3 浏览
0 赞好
0 留言
鹅肝海胆紫苏卷
14 浏览
0 赞好
0 留言
鹅肝海胆紫苏卷
16 浏览
0 赞好
0 留言
宫崎A4和牛他他
0 浏览
0 赞好
0 留言
厨师长秘制吞拿鱼下颚
13 浏览
0 赞好
0 留言
宫崎A4和牛寿喜烧
9 浏览
0 赞好
0 留言
五卵卡邦尼乌冬
9 浏览
0 赞好
0 留言
柚子雪葩
2 浏览
0 赞好
0 留言
张贴
