木子居酒屋

营业中

休息中

大围一向多美食，今次嚟到呢间居酒屋，木系嘅装修，楼底高，地方宽敞，空间感大。坐得舒服，一啲都唔局促。 胡麻豆腐蕃茄沙律🥗夏天最啱食清爽冷盘，胡麻酱同蕃茄好夹，豆腐够滑，加上铺面嘅脆脆，好开胃。 红酒煮𩽾𩾌鱼肝新上市嘅𩽾𩾌鱼肝非常嫩滑，入口即溶。煎过嘅外皮香口，亦可以去腥，大推！ 木子三文鱼盛合有三文鱼、三文鱼腩、火炙三文鱼、三文鱼子军舰等等嘅寿司，鱼生新鲜，配埋已经调味过嘅醋饭，唔错唔错👍🏻 福冈冻荞麦面紫菜味香，捞埋蛋汁同酱油，加埋脆脆亦增强口感。咁热嘅天气食冻荞麦面就啱晒，消暑一流！ 花鱼一夜干🐟呢款一夜干亦系新上市，成条鱼咁烧，好惹味，最啱做下酒菜。同朋友极速清盘！ 海鳗天妇罗🍤炸得啱啱好，脆口得嚟唔会觉得油腻。炒浆唔会太厚，入面嘅海鳗仲系好鲜嫩。 柚子柠檬梳打/巨峰梳打果汁梳打唔会死甜，梳打非常消凉解渴。