川滿居 (京都廣場)

营业中

休息中

同左几个钟意辣嘅朋友去咗间装修有中国特色嘅川菜馆，红色嘅灯笼高挂，感受到浓浓嘅中国风。京葱牛肉配6张么么皮牛肉片炒得恰到好处，肉质嫩滑，京葱嘅香味扑鼻，令牛肉嘅味道更加鲜明，么么皮轻轻包住牛肉同京葱，一口咬落去，可以感受到不同食材嘅层次感。毛血旺辣味爱好者必点，汤底麻辣鲜香，配搭肠仔、午餐肉、牛柏叶、鱿鱼、猪大肠、鸭血等食材，完全吸收哂麻辣汤底精华，特别叫左一碗白饭。金汤酸菜鱼鱼肉滑嫩，酸菜微酸带点爽口，金黄色嘅汤底浓郁微辣，令人食欲大开，汤底入面仲有薯粉，口感有弹性，菇类令汤底更鲜香。百香果柠檬茶百香果嘅独特香甜与柠檬嘅清新酸味相结合，解辣之选。桃之夭夭卖相吸晴，桃味浓郁，入面仲加左粉红色爆珠，好有特色。