十二味熱辣火鍋莊

营业中

休息中

今日放工同几个同事去左这间四川菜馆打边炉，我地点左Q版熊猫牛油火锅同猪骨浓汤锅。个牛油呈熊猫状随著火锅热力上升而融化，都几得意。不过个人认为个汤底对好食得辣的朋友来讲唔够辣，但我有啲同事都唔系好顶得顺，餐厅提供左一款秘密香油俾佢地，同事话的确系相当解辣。讲返食物质素先，火锅的食材非常新鲜，而自制的辣牛肉相当辣，令人食唔停口。我地点左的宽粉同鱼腐都系好食的。蔬菜类食材则同个麻辣汤底好夹，辣汁可以完全入味。系食到最后我地男生唔系好够饱但又唔系好想继续打边炉下，店主推荐左一份沸腾脆鳝片俾我地。成份鳝都用左秘制香油煮，所以唔辣，而鳝肉唔多骨，亦好有鲜味。