光榮冰室 (厚福街) (已結業)

其實光榮冰室我已經食過好多次，不過今次好似係第一次寫報告。當日行到去厚福街嗰頭，見到光榮冰室咁啱冇乜人排隊，諗都冇諗即刻行咗去，平日條人龍都至少有五六個人，坐低咗冇耐之後就見到出邊開始有人排隊。同平時一樣，我都係嗌蔥油雞扒飯，不過今日想食邪惡少少，於是問侍應可唔可以多蔥油，佢話ok。介紹返個餐牌，其實仲有好多好食嘅嘢，例如佢個叉蛋飯都好正，不過我都係鐘意雞扒飯多啲。介紹埋今日個主角，塊雞皮煎到好脆，加埋雞肉啲肉汁同埋蔥油甜豉油，簡直係絕配。光榮真係性價比高，$48就有碟咁正嘅一餐。