影片
更多
2024-06-21
398 浏览
系3楼搞完家俱，拎住成袋野，谂住近近地系呢幢大厦食埋先走。望下水牌见1楼有呢间泰菜馆。地方宽敞，多卡坐，放埋袋野都坐得舒服，四周布置都有泰式风情。靓靓泰式餐具，泰国人主理，食物选择种类都几多，仲有多款人气必选菜式推介。打头阵黎个开胃沙律，钟意食海产类可叫呢个泰酸辣鱿鱼沙律 ($96)。沙律底用上紫洋葱，葱芹，青瓜及车厘茄，多种颜色吸引。鱿鱼份量超多，软腍易食，成个沙律淋上酸辣酱汁，惹人胃口。泰版”偷饭贼”出场……………………香辣黄咖喱牛腩 ($118)。仲有薯仔，彩椒及洋葱作配菜。牛腩炆得够腍，无多余脂肪，但入口唔会”痴”牙。个黄咖喱确系几香，辣度再加多少少就仲惹味，用黎捞饭，好快就干掉半碗。只有食泰菜时先叫嘅椰菜苗，今晚用豆酱炒椰菜苗 ($88)。开初以为真系一个个”波波仔”咁，上枱时系一条条嘅。用豆酱炒加埋辣椒，带少少辣度，每条食起黎无渣，味道唔会过咸。压轴出场嘅系罗望香叶烧鸡 ($138/半只)，放上枱未食已经闻到香味。半只份量相当对眼，入口热辣辣，皮脆肉嫩，就算系鸡胸肉都唔会嚡干。点埋个甜辣鸡酱食就仲岩味道。呢度仲有传统泰式甜品如芒果糯米饭，泰式糕点等，但今次实在太饱，留待下次
地方宽敞，多卡坐，放埋袋野都坐得舒服，四周布置都有泰式风情。
靓靓泰式餐具，泰国人主理，食物选择种类都几多，仲有多款人气必选菜式推介。
打头阵黎个开胃沙律，钟意食海产类可叫呢个泰酸辣鱿鱼沙律 ($96)。沙律底用上紫洋葱，葱芹，青瓜及车厘茄，多种颜色吸引。
鱿鱼份量超多，软腍易食，成个沙律淋上酸辣酱汁，惹人胃口。
泰版”偷饭贼”出场……………………香辣黄咖喱牛腩 ($118)。仲有薯仔，彩椒及洋葱作配菜。
牛腩炆得够腍，无多余脂肪，但入口唔会”痴”牙。
个黄咖喱确系几香，辣度再加多少少就仲惹味，用黎捞饭，好快就干掉半碗。
只有食泰菜时先叫嘅椰菜苗，今晚用豆酱炒椰菜苗 ($88)。开初以为真系一个个”波波仔”咁，上枱时系一条条嘅。
用豆酱炒加埋辣椒，带少少辣度，每条食起黎无渣，味道唔会过咸。
压轴出场嘅系罗望香叶烧鸡 ($138/半只)，放上枱未食已经闻到香味。
半只份量相当对眼，入口热辣辣，皮脆肉嫩，就算系鸡胸肉都唔会嚡干。点埋个甜辣鸡酱食就仲岩味道。
呢度仲有传统泰式甜品如芒果糯米饭，泰式糕点等，但今次实在太饱，留待下次。
张贴
