嘆甜品

营业中

休息中

屋企附近新开咗间甜品舖梗系要帮衬吓啦😋佢哋价格好亲民。同样嘅嘢如果转左喺尖沙咀价格起码×2。今次试咗佢哋嘅鲜杂果忌廉窝夫配豆腐味雪糕。呢个豆腐味雪糕真系好正，有香浓嘅豆腐味同奶味而且口味好清新。又唔会太甜。多款鲜杂果忌廉配埋香脆即整嘅窝夫，简直系完美😍 伴碟仲用朱古力画咗精致嘅图案。成叠野好colorful就好似一件艺术品咁。加$8仲可以换购多款饮品我就拣咗白桃乳酸。酸酸甜甜好开胃。榴梿飘雪 在上面有一旧鲜榴梿打出嚟嘅，榴梿雪糕。口味好浓郁，下便铺一层厚厚嘅牛奶碎冰，口味偏清淡。同榴梿雪糕一齐食，啱啱好中和左。 隔离仲铺左一堆烟韧嘅小丸子。BBQ蜜糖鸡翼，鸡翼烤到啱啱好将皮下嘅脂肪逼走鸡皮变得酥脆 小食拼盘，里便有两串鸡软骨。几粒烧卖。除炸薯条。椒盐味盐酥鸡。雪糕草莓奶昔，浓郁嘅草莓味雪糕搭配埋丝滑奶昔。芒果西瓜汁，用新鲜芒果同西瓜整出嚟。