Bello Dining (已搬遷) 新店位置

自从天一开咗之后呢间西餐就一直都好多人食，虽然店面细，但系人流不绝，肯定有佢优胜之处嘅。同男朋友想系天水围食西餐，除咗平食萨利亚，就会食Bello。讲真佢质素未好到可以媲美元朗出名西餐厅，但系系天水围黎讲，都算赢哂㗎啦。食材新鲜，味道唔错，煮法地道，价钱都好合理。不过服务态度麻麻地，女老板成日黑脸，储印仔嘅卡又冇得combine，轮候方法唔多公平，仲成日都唔肯换野，例如旧肉太熟就话系咁㗎啦，野饮上错又会同你讲其实差唔多味，不如你饮埋佢啦咁。千岛酱海鲜Pizza系必食之选，89蚊大大个，3个人都够食。千岛酱偏多，海鲜嘅份量相对地就显得少咗啲啦。好多人食牛柳都有伏，原因就系佢啲牛柳系圆身，所以点煎都唔可以均匀地熟，令次食都系太熟。餐汤好欣赏薯仔汤同埋蘑菇汤，真材实料，好正。