Classy Le Carré

营业中

休息中

呢间超 Igable 嘅 cafe 真系想试好耐喇！室内室外都布置得劲靓，浅木色系加上干花装饰，食饱之后可以尽情打卡，真系点影都觉得好靓，Cafe主打多国菜，菜式都几多选择。 《法式乡村铁镬早餐》色彩缤纷嘅全日早餐，有炒蛋、比利时华夫饼、港口蘑菇、法国面包、香肠、蕃茄、炸马铃薯饼、烤日本南瓜同Yogurt，份量十足，炒蛋炒得好入味，最钟意就系Yogurt，入口非常香甜，味道酸酸甜甜，令人十分开胃。 接着系主菜拣咗《黑松露杂菌忌廉扁意粉》配上各自菜作装饰，仲刨咗啲飞达芝士，加上满满嘅黑松露香气，睇落仲落咗啲松露油，实在诱人，而野菌嘅份量相当多，所以，菌香味突出，面都煮得啱啱好，咬口而唔过硬，系一道上佳嘅意粉。《White Coffee》特意为咖啡中毒嘅朋友嚟一杯 White Coffee, 一日先当然更有劲道，蛮够香浓嘅咖啡已经好讨好，混和打得幼滑嘅奶泡更加可口，唔使加糖以免失真。