影片
更多
2021-11-05
70 浏览
🔻 鮨胜九龙城龙岗道31号地舖/🍙胜KATSU $1680OMAKASE 22品 小妹去嘅时候舖头只系开咗一个星期，宋王台站行过去只需要5分钟，非常方便。最贵22品，可以食到师傅花咗好多心思度出嚟嘅时令menu，真系非常值得。呢度比一般omakase更值得赞许嘅地方，系真正令客人享受到成餐饭，真系有从客人角度去谂。例如生冷野之间，会隔一道熟食，令到你唔会好嫌。寿司小巧精致，但系食材选择同埋配搭非常丰富，就算食到最后，都唔会饱到食唔落，冇咗享受嘅感觉。以往omakase都比较忽视熟食，但其实都系俾咗钱食，都好重要，呢度嘅熟食全部都好有心思，而且非常好食，令到成餐饭都非常满足，真系好值得推介。以下推介最几款最深刻嘅菜式:🧃鲛鲽鱼刺身鲛鲽鱼包住炙烧过嘅鲽鱼裙边，师傅仲即兴加左少少白子，口感非常丰富，入面仲包左芽葱，偏向淡口，少少吊味得来，又唔会好抢，仲加左紫苏花同埋柚子啫喱，refreshing!/🧃慢煮南非鲍鱼慢煮三个钟，弹牙鲜嫩，非常鲜味/🧃炸日本金鲷上面嘅鱼鳞炸到非常酥脆，上面加咗少少法国片盐，下面就系柚子芥末酱，岀奇地夹/🧃熟成大拖罗熟成咗14日，油香鲜味淋漓尽致/🧃茶碗蒸有别于一般
🔻 鮨胜
九龙城龙岗道31号地舖
/
🍙胜KATSU $1680
OMAKASE 22品
小妹去嘅时候舖头只系开咗一个星期，宋王台站行过去只需要5分钟，非常方便。最贵22品，可以食到师傅花咗好多心思度出嚟嘅时令menu，真系非常值得。
呢度比一般omakase更值得赞许嘅地方，系真正令客人享受到成餐饭，真系有从客人角度去谂。
例如生冷野之间，会隔一道熟食，令到你唔会好嫌。寿司小巧精致，但系食材选择同埋配搭非常丰富，就算食到最后，都唔会饱到食唔落，冇咗享受嘅感觉。以往omakase都比较忽视熟食，但其实都系俾咗钱食，都好重要，呢度嘅熟食全部都好有心思，而且非常好食，令到成餐饭都非常满足，真系好值得推介。
以下推介最几款最深刻嘅菜式:
🧃鲛鲽鱼刺身
鲛鲽鱼包住炙烧过嘅鲽鱼裙边，师傅仲即兴加左少少白子，口感非常丰富，入面仲包左芽葱，偏向淡口，少少吊味得来，又唔会好抢，仲加左紫苏花同埋柚子啫喱，refreshing!
/
🧃慢煮南非鲍鱼
慢煮三个钟，弹牙鲜嫩，非常鲜味
/
🧃炸日本金鲷
上面嘅鱼鳞炸到非常酥脆，上面加咗少少法国片盐，下面就系柚子芥末酱，岀奇地夹
/
🧃熟成大拖罗
熟成咗14日，油香鲜味淋漓尽致
/
🧃茶碗蒸
有别于一般嘅茶碗蒸，用咗大量日本小贝柱同埋浓蚬汁去煮，味道浓郁，啲蛋仲超滑
/
🧃江户前玉子烧
第一次食，以为食紧好重蛋味嘅蛋糕仔，原来一啲面粉都冇用到，入面系用咗鱼肉、虾肉同埋蛋，烧过之后更加好食，食完想再食
/
🧃蟹肉汤
平时饮面豉汤真系好厌，呢个真系非常有心思，用咗松叶蟹盖去淆汤，入面仲有松叶蟹肉鱼蛋，非常鲜味
张贴
