一鳴屋台料理

营业中

休息中

上次我去咗位于上水嘅一鸣屋台料理,真系超值得一试。「海鲜什锦炒拉面」：呢个真好有惊喜，好好食，好少喺其他地方食到呢只味！！大推👍👍炒面底子真系好味,面身弹牙,仲吸收到咗满满嘅海鲜鲜味。上面铺满咗各式新鲜海鲜,包括肥美嘅虾仁、Q弹嘅墨鱼,仲有蔬菜。每样海鲜味道都突出,完美融合在炒面之上,一啖落去浓郁鲜甜,简直系人间美味!再讲讲我钟意嘅「吞拿鱼蓉军舰」。军舰面部用咗好新鲜嘅吞拿鱼蓉,饱满丰厚,仲带微微嘅鱼香味,十分吸引。再来系「飞鱼籽军舰」!军舰嘅粒粒飞鱼籽爆晒卵,又大又肥,咬落去爆香浓郁。最后,我都试咗佢哋嘅自选刺身丼定食,拣咗4样食材分别系帆立贝、蟹肉同蟹膏，飞鱼子。帆立贝大件肥厚,入口即化,鲜甜可口。蟹肉个头够大,蟹膏浓稠饱满,仲有淡淡嘅海味香气,同白饭最配。飞鱼籽吸引力同样强大,粒粒弹牙,好过瘾!总括黎讲,一鸣屋台料理嘅菜式质素非常之高,每样都好吸引。值得一赞系店员服务态度好好，依家喺香港好少见。当天不太舒服喺店内食药，店员见到冇嫌弃，反而即刻问洗唔洗比杯热水我🥺👍。今时今日喺香港实属少见👍👍。