影片
更多
2023-05-04
1745 浏览
终于食到远近驰名嘅大围小馆啦，上年佢哋终于获得《香港澳门米芝莲指南2022》必比登推介，成为大热餐厅，想食晚市要亲身去餐厅先订到位，今次有赖朋友帮忙先订到位，而且当中有啲失传手工菜🥢更加要堂食前几日预订好，想食一定要做好功课先！.琵琶鹅 $880首先要预订嘅菜式就有琵琶鹅🦤，侍应先将原只上枱，俾食客睇到佢嘅原貌。琵琶鹅因形状似乐器中嘅琵琶而命名，打完卡就可以拎去切啦！ 琵琶鹅做法花工夫，用秘制酱汁腌完后吊干，而且要重复同一步骤几次，制作繁复，香港现时应该只得几间餐厅可以食到，所以我哋一早就预约咗。.外皮烧得香脆，虽然脆皮下少不了鹅膏，但系食落毫不油腻，配埋酸梅酱就更加锦上添花。酸梅酱亦有巧妙之处，食落就知道同坊间烧味舖嘅有唔同，偏甜少少，但👩🏻更喜欢依个酸梅酱，好开胃。.荔蓉香酥鸭 $288/8件另一需预约嘅菜式就系荔蓉香酥鸭，先将调味过嘅鸭肉蒸熟，然后将芋蓉同鸭肉合二为一，再拎起去油炸。一口就可品尝到酥脆嘅外皮、鲜味嘅鸭肉同软糯嘅芋蓉。虽然香酥鸭经油炸过，但毫不油腻，仲有干爽嘅口感，好味。.勾魂叉 $188/5件大围小馆当中最出名既然嘅菜式一定唔可以唔提嘅就系佢地嘅叉烧啦！ 午市有第
.
琵琶鹅 $880
首先要预订嘅菜式就有琵琶鹅🦤，侍应先将原只上枱，俾食客睇到佢嘅原貌。琵琶鹅因形状似乐器中嘅琵琶而命名，打完卡就可以拎去切啦！ 琵琶鹅做法花工夫，用秘制酱汁腌完后吊干，而且要重复同一步骤几次，制作繁复，香港现时应该只得几间餐厅可以食到，所以我哋一早就预约咗。
.
外皮烧得香脆，虽然脆皮下少不了鹅膏，但系食落毫不油腻，配埋酸梅酱就更加锦上添花。酸梅酱亦有巧妙之处，食落就知道同坊间烧味舖嘅有唔同，偏甜少少，但👩🏻更喜欢依个酸梅酱，好开胃。
.
荔蓉香酥鸭 $288/8件
另一需预约嘅菜式就系荔蓉香酥鸭，先将调味过嘅鸭肉蒸熟，然后将芋蓉同鸭肉合二为一，再拎起去油炸。一口就可品尝到酥脆嘅外皮、鲜味嘅鸭肉同软糯嘅芋蓉。虽然香酥鸭经油炸过，但毫不油腻，仲有干爽嘅口感，好味。
.
勾魂叉 $188/5件
大围小馆当中最出名既然嘅菜式一定唔可以唔提嘅就系佢地嘅叉烧啦！ 午市有第一叉，而晚市就有勾魂叉，目测分别只系在于有脆米同无脆米(由于我哋未食过午市，有错还望指正)，基本上嚟得大围小馆每枱都会叫一份叉烧。佢地嘅叉烧系用至尊梅头同一号背肌肉🐖，腌制好后，经过多重烧烤，完美嘅窿边叉烧就可以出炉啦！
.
上枱时侍应会为叉烧涂上陈皮南乳百花蜜酱，最后再用火枪烧一烧，食客可以配叉烧下嘅脆米一齐食。可以话依度嘅叉烧系我哋食过最好食嘅叉烧，平时👩🏻系唔钟意食肥叉烧嘅，但至尊梅头猪肉软腍无比，肥瘦适中，每嚿都好厚肉，外边窿边又带有一份焦香，到依刻👩🏻仲记得当时嘅口感。绝对系今餐嘅MVP！
.
姜米蒜香笼仔蒸蟹饭 $288
大围小馆做依个蒸蟹饭🦀时，选蟹会视乎季节，会最当造嘅新鲜蟹去制作，诚意十足。饭底用金凤米，加上姜米、蛋白及蟹膏先炒后蒸。一打开蒸笼就闻到蟹膏蟹肉嘅香气，蟹膏渗晒入炒饭当中，炒饭炒到粒粒金黄、干爽，蟹肉结实鲜甜，啖啖饭都有蟹膏香味，好好食呀！
.
另外我哋仲叫咗个老火汤(猴头菇鲨鱼骨玉竹沙参瘦肉汤)、鲜山葵海蜇头作小食，五个人埋单每人大概$600左右，食得非常饱，琵琶鹅食唔晒，仲打包咗两盒走🥡。写紧依篇食评时都好挂住当日嘅勾魂叉同蟹饭，依两道菜绝对系必食之选！
琵琶鹅
$880
32 浏览
1 赞好
0 留言
琵琶鹅
$880
52 浏览
0 赞好
0 留言
荔蓉香酥鸭
$288
100 浏览
0 赞好
0 留言
勾魂叉
$188
83 浏览
0 赞好
0 留言
姜米蒜香笼仔蒸蟹饭
$288
85 浏览
0 赞好
0 留言
张贴
