云手工火鍋店

营业中

休息中

尖沙咀瑞生酒店楼下有几间餐厅，上次嚟食西餐时见到同一幢大厦仲有火锅店，又几吸引，一于嚟打个边炉！ 火焰三椰鸡锅侍应会先快炒椰子、海底椰、萝卜同鸡，加入酒后点火制造火焰效果，即刻带出椰子嘅香气。汤底用椰青水、椰皇水同椰奶，好creamy。 美国安格斯牛肉中size份量都好多，油花分明得嚟唔会太肥，够嫩滑。台湾蛋饺 / 凤城水饺蛋饺一向都系手工嘢，肉馅结实；凤城水饺大粒，饺皮够薄，虾肉爽脆。 杂菜拼盘 有蕃茄、粟米、娃娃菜、西洋菜、油麦菜同唐生菜，好多种类。 自家制响铃新鲜炸起嘅响铃好香口，最钟意蘸一下个汤，仲保留响铃嘅脆口。 黄沙猪膶厚切大块，猪膶好新鲜，处理得好干净。 好欣赏火锅店嘅酱料，用九宫格装起，好企理，睇得出真系用心。