Coffee Hwajeon 커피화전

营业中

休息中

今日要同朋友庆祝生日，想揾间简简单单小清新，但系又打卡会好靓嘅餐厅，所以最后决定嚟呢间人气好高嘅圆方韩式餐厅，结果真系好满意。呢度装修超级靓，真系好啱一种女士嚟打卡，食物方面都好高质！一睇个餐牌，首先俾啲饮品吸引住，我叫咗一个lotus焦糖奶昔，而朋友就要咗樱花鲜奶咖啡配牛角包。两杯饮品都包埋一个韩式麻糬，超级烟靭，劲好味！好欣赏佢哋个牛角包系热辣辣，感觉劲新鲜！而两杯饮品都绝对配得上韩国嘅蛋挞Cafe质素，两杯都好高质！main我哋要咗龙虾炒年糕，佢个形状好特别，系长条型，一开始我仲以为好咁会好似意粉咁样，点知真系年糕咁烟靭，个酱亦都好浓郁嘅龙虾味，劲好食！！！呢个系必点！嚟得cafe就梗系要食甜品啦，我哋因为决定唔到要边样，最终就叫咗两个甜品，第一个就系伯爵茶布甸牛角包窝夫，而第二个就系樱花满开刨冰。牛角包窝夫好松脆，加埋伯爵茶布甸好rich，不论外貌定味道都超晒班！至于刨冰亦都好细滑，好清爽，夏天食真系一流！