上品火鍋料理 (已結業)

今日放工约左男朋友去揾好野食，路过见到呢间上楼打边炉，就把心一横上去试新餐厅。上到去环境唔错，座位够大，坐得好舒服，重点系见到夜景㖞！我地嗌左煲花胶炖鸡汤底，超好饮，未开始打边炉男朋友已经饮左5碗。材料好足，汤底都有成半只鸡咁多！到打边炉入戏肉啦，我地嗌左安格斯肥牛，超级好食，真系入口即溶，我地煮到7成熟 刚刚好。又嗌左海鲜，有海中虾同蛏子，两样都好新鲜，sarp十几秒就捞出黎，食得！其他食物质素都好高，即使系普通如粟米，乌冬，都比出面嘅任食好味好多倍。所以追求食物质素嘅你，可以选择呢间唔错嘅打边炉铺！另外值得一赞嘅系服务态度好好，每次都帮我地bud汤同换碟