影片
更多
2022-04-16
186 浏览
🤰🏻今日同老公去咗一锅堂🥘食个early dinner。疫情恶化前同姨妈食过一次，连我姨妈都话正！一直都想带老公去，但疫情突然来袭，又搁置了。适逢有消费券，疫情又缓和咗，立即带老公去一锅堂食餐饱！哩间餐厅外成日都排长龙，我哋懒得排队等位，决定晏少少🤏🏽先去。我哋三点零去到，唔使等位，但里面都见到唔少人。餐厅装潢简洁清新，门口广阔同有少少日系，里面有两三个打卡位，餐厅空间宽阔，坐得好舒服。我哋拣咗100分钟午巿火锅放题B餐——特选安格斯牛，懒系养生咁拣咗养生药膳汤底。佢哋用QR Code落单，好方便。食物种类多元化，总有一款啱你口味。佢哋亦有自助区，有火锅食品、熟食食品、咖啡机☕️同雪糕机🍦。饮品亦有好多唔同选择🧃，最特别系佢哋有四款自家制凉茶及特饮，包括洛神花茶、蝶豆花茶、冰糖炖柠檬同薄荷乌龙茶，不过唔系好啱我口味。药膳汤底好足料，见到有杞子、龙眼、蒜头、当归、红枣、大葱等，味香保健，仲一啲都唔油腻，喺放食物入去之前我忍唔住舀左几碗嚟饮😅。我哋今日嗌咗多款食物，以下系我哋最推介𠮶5️⃣款：🥇 封门柳🐂——肉质细嫩软滑，牛肉味浓郁，油花细致及分布均匀，有少少入口即化的感觉。我哋今日不断enco
哩间餐厅外成日都排长龙，我哋懒得排队等位，决定晏少少🤏🏽先去。我哋三点零去到，唔使等位，但里面都见到唔少人。
餐厅装潢简洁清新，门口广阔同有少少日系，里面有两三个打卡位，餐厅空间宽阔，坐得好舒服。
我哋拣咗100分钟午巿火锅放题B餐——特选安格斯牛，懒系养生咁拣咗养生药膳汤底。
佢哋用QR Code落单，好方便。食物种类多元化，总有一款啱你口味。佢哋亦有自助区，有火锅食品、熟食食品、咖啡机☕️同雪糕机🍦。饮品亦有好多唔同选择🧃，最特别系佢哋有四款自家制凉茶及特饮，包括洛神花茶、蝶豆花茶、冰糖炖柠檬同薄荷乌龙茶，不过唔系好啱我口味。
药膳汤底好足料，见到有杞子、龙眼、蒜头、当归、红枣、大葱等，味香保健，仲一啲都唔油腻，喺放食物入去之前我忍唔住舀左几碗嚟饮😅。
我哋今日嗌咗多款食物，以下系我哋最推介𠮶5️⃣款：
🥇 封门柳🐂——肉质细嫩软滑，牛肉味浓郁，油花细致及分布均匀，有少少入口即化的感觉。我哋今日不断encore哩一款！
🥈 流心鱼蛋🍥——最初见到都唔知里面个心系乜，纯粹贪得意试吓。点知，一试难忘！真系估佢唔到，中间原来系咸蛋黄，系超·香·嘅·咸·蛋·黄·蓉！超新奇！鱼蛋亦好爽口弹牙，食完即刻出去攞多转。
🥉 美国安格斯牛肉🐂——肉质鲜嫩，油香与肉味比例平均，牛肉味香浓，薄切大片。一流！
4️⃣ 蟹籽手打虾滑🦐——新鲜弹牙！我老公十分欣赏，佢话：「虾滑我食得多，但有虾味嘅虾滑真系比较少有，哩度嘅虾滑，掂！」
5️⃣ 手作菠菜皮韭菜饺🥟——菠菜皮特别，韭菜猪肉馅好香，最紧要系唔油腻，健康之选！
好满足嘅一餐，我哋食到大住肚咁走，下次想试吓麻辣汤底🥢。
蟹籽鲜虾滑
6 浏览
0 赞好
0 留言
封门柳
6 浏览
0 赞好
0 留言
流心鱼蛋
17 浏览
0 赞好
0 留言
九份素绿糕
11 浏览
0 赞好
0 留言
鱼皮
2 浏览
0 赞好
0 留言
张贴
