影片
更多
2024-10-04
416 浏览
平日lunch都大排长龙，今次就放工过嚟食，同埋唔洗比时间限住可以食得悠闲小小。餐厅环境好优美，仲播住令人舒服开心嘅背景音乐。因为每样都太吸引嘅关系，选择困难嘅我哋直接决定叫二人餐，有汤有前菜有两款主菜仲包埋甜品餐饮。餐汤系罗宋汤好好饮。前菜拣咗日式天妇罗鱿鱼，虽然写系前菜但份量超多﹗鱿鱼须都好长好大条，每条都有紫菜粉，炸粉薄薄一层，食落香脆唔油腻仲食到鱿鱼嘅鲜味。沙律菜有醋做调味，酸酸地配埋一齐好开胃。主菜就拣咗波士顿龙虾龙虾汁意大利饭同埋炭烧澳洲肉眼牛扒。波士顿龙虾都好大只又多肉，煎完有好香嘅蒜香味，仲贴心咁比埋工具方便拆壳。意大利饭粒粒分明，浓稠度刚刚好，充满住香浓嘅龙虾汁味，每啖都好似有龙虾系口入面游紧水咁。炭烧澳洲肉眼牛扒可以拣生熟度，我哋拣咗7成，外表煎到金黄焦脆，而切开里面系粉红色。食落多汁口感嫩滑，付加嘅酱汁可以自由添加，令牛扒更加有层次感。配菜嘅西兰花同埋焗薯都好出色，特别系焗薯，加埋脆烟肉粒超正。餐饮加钱叫咗冻抹茶鲜奶同蓝莓水果茶。净系外表已经好出色，加埋餐厅超靓装修背景超打卡able，热茶仲有蜡烛一直暖住，食到最尾都仲可以饮到热茶超开心。抹茶鲜奶两种味道都好浓厚，
因为每样都太吸引嘅关系，选择困难嘅我哋直接决定叫二人餐，有汤有前菜有两款主菜仲包埋甜品餐饮。
餐汤系罗宋汤好好饮。前菜拣咗日式天妇罗鱿鱼，虽然写系前菜但份量超多﹗鱿鱼须都好长好大条，每条都有紫菜粉，炸粉薄薄一层，食落香脆唔油腻仲食到鱿鱼嘅鲜味。沙律菜有醋做调味，酸酸地配埋一齐好开胃。
主菜就拣咗波士顿龙虾龙虾汁意大利饭同埋炭烧澳洲肉眼牛扒。波士顿龙虾都好大只又多肉，煎完有好香嘅蒜香味，仲贴心咁比埋工具方便拆壳。意大利饭粒粒分明，浓稠度刚刚好，充满住香浓嘅龙虾汁味，每啖都好似有龙虾系口入面游紧水咁。
炭烧澳洲肉眼牛扒可以拣生熟度，我哋拣咗7成，外表煎到金黄焦脆，而切开里面系粉红色。食落多汁口感嫩滑，付加嘅酱汁可以自由添加，令牛扒更加有层次感。配菜嘅西兰花同埋焗薯都好出色，特别系焗薯，加埋脆烟肉粒超正。
餐饮加钱叫咗冻抹茶鲜奶同蓝莓水果茶。
净系外表已经好出色，加埋餐厅超靓装修背景超打卡able，热茶仲有蜡烛一直暖住，食到最尾都仲可以饮到热茶超开心。抹茶鲜奶两种味道都好浓厚，混合一齐好好饮。而甜品加钱叫咗竹炭麻薯千层酥盒子配雪糕，净系睇名已经觉得好吸引非叫不可，另外一个精选甜品就系芝士蛋糕。甜品卖相都好靓。芝士蛋糕有三层，有两种唔同嘅芝士口味，食落浓郁又唔腻。表层嘅焦糖酱除咗摆盘仲添加咗甜味同埋层次感。竹炭千层酥盒子有好多层好松脆，竹炭味好浓好特别，无论单食定配埋麻薯雪糕一齐都好出色。
张贴
