Food Combo (已結業)

最近同妈咪行过新墟见到呢间餐厅，唔知系咪新开，定之前冇为意，喺门口望到个店面都干干净净，就入去试下。卖点一，原来饮品无限添饮，有冻柠茶、薄荷橙水，热饮就有杞子桂圆姜茶! 我餐前饮左杯姜茶，有姜味同淡淡杞子味，都几好饮，唔会好辣! 饭后我就饮左杯橙水，好香橙味好清新!睇下个menu,都几多野拣，除左lunch 仲有daily set。 我同妈咪就拣左2个lunch set 加两个小食!我点左鲜茄大虾意粉加泰式虾饼!个大意粉非常抵赞! 大虾爽口鲜甜，食得出唔系下价雪藏虾，弹牙好味!仲有新鲜什菌，而意粉都系软硬适中! 绝望可以encore!泰式虾饼，上台时热辣辣，好香香茅味，微辣，开胃小食!妈咪就点左白汁海鲜焗饭!配蒜蓉炒什菌。睇个样都见到d汁同芝士均匀铺系饭上，未食之前担心会太腻，食落又唔系㖞!仲有少许拉丝添!海鲜就都系例牌𩠌，不过重点系有约6只青口，有大有细，爽口!同埋佢块炸鱼柳，嫩滑入味!炒什菌，好似普普通通咁，佢香口得嚟唔会油腻腻!两份餐既份量十足，我地仲要打包走!店面装修简洁清新，好舒服!侍应人数唔多，但都好好礼貌!抵赞!如果lunch时间(约12点)人比较多，我见都坐满架!