鮨和居食屋 (已結業)

今晚朋友带左小妹去铜锣湾食好西, 拣左间位于登龙街嘅鮨和居酒屋, 餐厅环境灯光柔和, 一面系普通座位, 一边系吧枱! 🌟厨师发办寿司拼盘拼盘有帆立贝寿司, 左口鱼边寿司, 金目鲷寿司, 大拖罗寿司, 赤贝寿司, 油甘鱼寿司, 三文鱼寿司, 深鱼池鱼夀司, 中拖罗寿司同牡丹虾寿司, 件件都相当精致, 食材新鲜, 小妹至爱当然系大拖罗寿司, 肉质肥美富油香, 入口即溶好好味🌟烧蛏子一上枱就已经好想即刻食, 岩岩烧好热辣辣, 蒜蓉磨得好幼细, 味道浓郁, 蛏子大只肉厚, 鲜味十足, 口感爽弹!🌟手羽串烧鸡翼外脆内嫩好juicy🌟牛肋条串烧牛肉味道浓郁, 口感软嫩🌟牛脷串烧厚切牛脷口感爽脆, 调味适中🌟帆立贝串烧E个系佢地嘅招牌汁烧帆立贝串烧嚟, 帆立贝大大粒, 好juicy🌟牛肉寿喜烧锅寿喜烧汤汁味道香甜, 附上嘅鸡蛋可以沾牛肉食又得, 放入锅搅拌亦可以! 牛肉口感鲜嫩味美, 入面仲有菇类, 菜同煎过嘅豆腐, 非常入味, 配埋饭一流!