影片
更多
2021-09-07
17 浏览
同男朋友慶祝生日，見到呢度有間裝修別緻，價錢又唔算太貴嘅廚師發辦，決定試一試餐廳嘅裝修好舒服，充滿日式風格，運用咗好多木材同埋柔和嘅燈光，令到成個環境都好舒服，侍應安排我哋坐吧枱，可以好清楚望到師傅處理壽司嘅過程👍🏻午市omakase($550)套餐包括有三個前菜，三款刺身，七款壽司，一個海膽、三文魚子、吞拿魚蓉飯，茶碗蒸，甜品，味增湯同埋咖啡，超級豐富！前菜除咗入普通沙律之外，仲有龍蝦沙律！龍蝦爽口彈牙，配埋青瓜一齊食口感好清新👍🏻刺身同壽司都非常新鮮，特別係拖羅刺身入口即溶，師傅亦都會簡單介紹每一件壽司，由白魚食到去紅魚，魚油香越嚟越重，肉眼都見到魚上面充滿魚油，係視覺同味覺嘅享受！重頭戲當然係海膽、三文魚子、吞拿魚蓉飯，海膽味道鮮甜濃郁，一啲腥味都冇，配埋佢比嘅爽脆紫菜一齊食，超級好味！最後仲食咗個綠茶蕨餅做甜品，蕨餅味道唔會話超級甜，同事有濃郁嘅綠茶味，非常滿足。壽司定食10貫（$298）呢個定食我覺得超抵食，包括有前菜，茶碗蒸，10件壽司同埋甜品，如果大家覺得食omakase有啲貴,呢個set嘅壽司質素同樣都唔錯，當日我哋有食到銀雪魚壽司，銀雪魚輕微炙燒咗，入口嘅時候更加食到
餐廳嘅裝修好舒服，充滿日式風格，運用咗好多木材同埋柔和嘅燈光，令到成個環境都好舒服，侍應安排我哋坐吧枱，可以好清楚望到師傅處理壽司嘅過程👍🏻
午市omakase($550)
套餐包括有三個前菜，三款刺身，七款壽司，一個海膽、三文魚子、吞拿魚蓉飯，茶碗蒸，甜品，味增湯同埋咖啡，超級豐富！
前菜除咗入普通沙律之外，仲有龍蝦沙律！龍蝦爽口彈牙，配埋青瓜一齊食口感好清新👍🏻
刺身同壽司都非常新鮮，特別係拖羅刺身入口即溶，師傅亦都會簡單介紹每一件壽司，由白魚食到去紅魚，魚油香越嚟越重，肉眼都見到魚上面充滿魚油，係視覺同味覺嘅享受！
重頭戲當然係海膽、三文魚子、吞拿魚蓉飯，海膽味道鮮甜濃郁，一啲腥味都冇，配埋佢比嘅爽脆紫菜一齊食，超級好味！
最後仲食咗個綠茶蕨餅做甜品，蕨餅味道唔會話超級甜，同事有濃郁嘅綠茶味，非常滿足。
壽司定食10貫（$298）
呢個定食我覺得超抵食，包括有前菜，茶碗蒸，10件壽司同埋甜品，如果大家覺得食omakase有啲貴,呢個set嘅壽司質素同樣都唔錯，當日我哋有食到銀雪魚壽司，銀雪魚輕微炙燒咗，入口嘅時候更加食到佢嘅魚油香，超級正，最咪仲有一客海膽壽司，同樣紫菜唔會軟林林，仲保持到好脆，海膽亦都唔惺，性價比高
總結來講餐廳環境一流，侍應服務態度都好好，食物性價比都好高，建議大家想同另一半慶祝都可以嚟試吓
张贴
