三小漁

营业中

休息中

三小渔系观塘一间新开嘅新派中菜厅，朋友食过话佢好食我黎荐式亦特别，而且环境阔落坐得舒服，所以母亲节就黎哩度庆祝。三小渔走定价中档路线，小食、小菜、海鲜同饭面都有，款式几特别。自家制红枣桂圆茶($18)天气热想饮冻野又唔想饮汽水，就叫左杯红枣桂圆茶，好大杯，系成杯放落雪柜雪冻冇加冰，所以饮落去唔会过太冰冻，唔会太甜，红枣补血啱晒女仔饮。陈醋黑琥珀木耳($48)哩度嘅木耳比平时食倒嘅厚身厚身同爽口，加埋陈醋嘅醋酸味，非常开胃。脆皮风沙鸡半只($128)风沙鸡鸡皮又薄又脆，鸡肉唔会煮得太熟，近骨位仲有少少血水，肉质特别滑。虽然风沙鸡上枱有跟甜酸酱，但本身咸咸地已经好够味，个人觉得唔蘸甜酸酱仲好食。蚝仔肉碎浸时蔬($88)苋菜上面有好多肉碎、豆卜同蚝仔，苋菜唔会太老，蚝仔有睇头够嫩滑，上汤清清地已经好好味。桃胶炖菊花豆腐($48)桃胶养颜，可以话系平民燕窝，加埋切成状嘅豆腐，睇得又食得。总结，食物水准高，菜式特别，价钱亦合理，限聚令放宽左可以同家人朋友黎食返餐。