616燒肉酒場 (已結業)

平时去616多数都系打边炉，今次去咗佢哋嘅烧肉店！烧肉店细细间，位置唔算多，记得要订位。餐牌选择都算多，食拼盘更加抵，试到多啲唔同嘅部份😋今晚order咗 🥩 枫。和牛盛宴 🥩 ，$788一大盘高质嘅牛肉，非常好。店员会介绍食肉嘅次序，大概就系由淡味食到浓味，所以一开始食嘅牛肉油脂比较丰富、肉味比较淡少少，但系肉质入口即溶；最后食嘅熟成牛肉瘦啲，肉味重啲！黑毛和牛特选牛小排真系好正，轻轻烧熟，点少少盐就已经好好食！牛舌芯亦都好正，口感爽脆有咬口最后食个青柠雪葩解肥腻，好饱好满足☺️