SABROSA

营业中

休息中

平日晚饭时间同朋友晚餐，带咗佢嚟我都几钟意嘅一间西班牙餐厅，位于铜锣湾，位置方便，而且佢哋嘅环境舒服，食物高质，价钱又唔贵，系非常稳阵嘅选择☺️☺️拣选左食物之后，可以食住面包先点醋食，开胃😁😁新鲜水牛布拉塔芝士配火箭菜沙律大大个水牛布拉塔芝士，见到都心心眼💕💕配上火腿咸香味+ 火箭菜，starter首选😌⭐️传统西班牙烤乳猪好巨型！真系性价比超高！乳猪外皮非常香脆，皮下面有薄薄嘅一层脂肪，如果唔想咁肥，用匙羹刮走都好方便😁 乳猪肉质非常柔软，轻易就可以分成一丝丝，非常推荐！仲有脆卜卜嘅羽衣甘蓝，好似食紧炸紫菜咁，好过瘾😁😁另外我哋仲嗌咗一个主菜：慢煮羊膝配炖蕃茄白腰豆。份量亦系相当惊人！完全冇谂过，眼见嘅大部份都系肉！切开，真系全部都系肉！而且全部都好柔嫩，好入味🤤🤤🤤🤤软绵绵嘅白腰豆，增加咗啲淀粉质，成件事真系非常好食！