街頭火鍋

营业中

休息中

一家人出嚟食饭，间餐厅叫街头火锅，听个名就知系食火锅啦！火锅材料极度新鲜，份量十足，高质又抵食。火锅汤底更原汁原味，真材实料，有花胶浓鸡汤，台式麻辣新鲜鸡红冰豆腐汤和杏汁猪肺汤。‼️‼️‼️‼️‼️‼️‼️‼️‼️‼️‼️‼️‼️‼️‼️今日拣咗花胶浓鸡汤，入边满满大大只嘅花胶和新鲜鸡肉，成个汤超滋补，浓郁又好饮。手切霜降肥牛，甘香松化嘅霜降肥牛，有好香嘅牛肉味，配埋花胶浓鸡汤，令牛肉更鲜甜。当然唔少得佢呢一个餐厅推介嘅牛王莫牛五宝，包括有新鲜滑牛，金钱展，牛胸爽，封门柳，黑柏叶。牛胸爽第一次食，白色透透地，味道比较清淡，咬落去真系非常爽口，难怪叫做牛胸爽。食完牛再嚟呢个状元及第猪什有猪润，猪肺，猪腰，猪肠和猪肚。🐽最钟意食猪润，味道非常浓。🐽猪肚爽脆又烟烟韧韧，双重口感好好味。水鱿爽脆又滑嘅鱿鱼，我最钟意，加埋个花胶浓鸡汤一齐食，好好味😋打咗一轮边炉，食返个🍢炸牛丸新鲜热辣超级正，趁热就要食啦，如果唔系唔够脆口，肉丸充满肉汁，而且仲系餐厅手打制成，保证新鲜。🥬时令什菜，新鲜生菜，爽口又多水份，食咗咁多肉，点都要补返纤维。