Le Viet (已結業)

"Le Viet"係之前在尖沙咀同朋友食過午餐，今日接男人收工就同佢一齊黎旺角呢間"Le Viet"，餐廳位置十分好找，地鐵一出站就喺隔離銀行中心上一層就會見到。🔸越式咖喱軟殻蟹配法包🔸⭐⭐⭐⭐餐廳會有小火爐熱住食非常好，除咗有炸得脆脆既軟殻蟹，仲會有同咖喱汁絕配既炸薯仔，分開上既好處係你食時先點咖喱醬汁，就會保持脆身唔會淋哂，呢樣我鍾意。第一口有點小驚喜，軟殻蟹本身已經調味好，就咁食都好味，因為平時食到既通常只靠咖喱汁既味道，而家兩者加埋仲令到個味道更加豐富。起初我好奇點解會無蒜蓉包，但原來配好既法包係熱辣辣，仲好軟熟，比平時蒜蓉包更加吸咖喱汁仲好味。🔸香茅燒木棉魚🔸⭐⭐⭐⭐鍾意食魚既我糾結咗一陣，揀木棉魚好定烏頭魚好？最後我地揀咗木棉魚（即係大眼雞），因為烏頭魚喺越式或者泰式都好普遍，反而燒木棉魚比較少見。 木棉魚面舖咗厚厚既海鹽，中間夾咗一大條香茅，燒得啱啱好又唔過燶，男人就鍾意唔太多骨，好快我地就清哂成條魚～🔸海南雞油飯🔸⭐⭐⭐⭐原本想叫埋海南雞試下，不過我地怕食唔哂，要有飯氣既男人就叫咗油飯，雞油夠香，配咗咖喱汁都好正。🔸蒜蓉炒椰菜苗🔸⭐⭐⭐比較小棵既椰菜，個人不喜歡太生硬，