極尚大喜屋 (鱷魚恤中心)

营业中

休息中

日式放题最岩就系聚会啦！又美味又方便，食物、甜品、饮品应有尽有，任点任食，大家都实岩食！选择超多，包括刺身、寿司、手巻、军舰、烧物、炸物等等，可以尽情享受美食，唔洗担心唔够食！除左qrcode落单，出面仲有好多野食拎，有多款蒸点心，有虾饺有烧卖，虾饺鲜味，外皮薄！烧卖啖啖肉，水准又ok㖞仲有麻辣小龙虾：辣椒同鲜味融合，入口鲜辣、开胃！另外麻辣东风螺都好正，鲜嫩多汁，口感极佳！寿司方面一d都唔马虎，非常高质！有拖罗、有大帆立贝，全部都好新鲜鲜甜！刺身都一样好正，最爱既甜虾可以食好多😋仲有一d特色小食，例如鹅肝烟鸭胸多士，细细件size岩岩好，鹅肝够香，同烟鸭胸几夹！蒜香焗蚝大大只都好推介！同埋一定要食烤金枕头！好香好浓郁，烤过又另一种食法，好正！当然都有甜品供应，例如雪糕雪条、糖水、仲有珍珠奶茶添！甜食控绝对唔会失望！有多款蛋糕甜品，特别推介榴梿甜品，当中榴梿大福好正，拎左几件，正！饮品都五花八门，有清酒、啤酒、梅酒、茶，汽水等等，可以按照自己嘅口味自由选择，亦推介自家制冷泡茶，系一个好嘅选择😋无糖又解渴！