神輿日本料理 (已結業)

近年放题质数愈嚟愈好，为食猪太郎梗系唔汁输，去食返餐劲嘅先喇！呢间位于旺角嘅神舆日本料理，门口有位坐，就算等位都唔惊企定定咁攰！价钱嚟讲中上，睇埋啲嘢食点先！.每张枱上都有一本厚厚嘅落单纸，有齐晒刺身丶寿司丶卷物/手卷丶小食丶炸物丶主食丶锅物丶一品料理丶炉端烧同饮品，非常丰富，嗌咗两round，都无漏单嘅情况！verygood! .第一Round样样嗌少少，当然唔少得刺身！平时嗌刺身，都会一大架船嚟，但真正食得嘅就得少少，呢度就还原基本步，简简单单用只碗嚟上～三文鱼好厚身！甜虾都好新鲜㗎！所以之后都有encore！.值得一赞嘅系寿司饭好细！唔会食多两件就饱咗仲有得嗌海胆寿司𠻹，质素中上，任食嚟计好化算！.食完冻嘢点可以唔嗌啲串烧！热辣辣鸡肾、鸡软骨绝对系要疯狂食多两串，仲有烧菠萝、鸡翼等等，款式好丰富、够晒吸引～.食得太饱无去到食甜品 门口除咗有得食雪糕，仲有啲糕点，下次嚟食要试埋佢！