極尚大喜屋 (鱷魚恤中心)

营业中

休息中

食惯咗自助餐就好少再食放题，今日朋友话带我嚟试一间性价比高嘅放题😍话食物质素唔错！所以就嚟咗位于鳄鱼恤中心嘅极尚大喜屋Try Try！一入到餐厅已觉得好光猛，有卡位坐，坐得舒服够阔落！▫️$308 @ 1位 （已更新菜单）自助区款式好多选择，有小食、凉拌冷盘、熟食、汤、糖水、甜品雪糕、水果、罐装汽水、纸包饮品、咖啡奶茶、自家茶饮，仲有清酒+梅酒！最惊喜系有珍珠奶茶😍同平时手摇店都见到嘅茶饮！适逢冬天，餐厅仲预备咗暖柜放饮品，好贴心！剩系饮品都好多选择！而凉拌冷盘都好多款式，目测10-20款，最爱泰式凤爪，好开胃！🔸刺身刺身款式超级多，多过平时食自助餐😋，最估唔到竟然有松叶蟹脚，好鲜甜！试咗三文鱼、希灵鱼、北寄贝、北海道带子、赤贝、赤虾、甜虾、冰山蚌等刺身，刺身都新鲜，食落鲜甜，最爱三文鱼同带子，口感好好食！又试咗泰式虎虾，酱汁好辣，食得好惹味！𫠒红鱼薄切都值得一试，好新鲜，完全无腥味！🔸寿司寿司就试咗花之恋、海胆蟹肉拿破仑批、烟鹅胸鹅肝多士、蟹肉芝士软壳蟹、盐烧三文鱼腩、香葱拖罗蓉军舰等！最钟意海胆蟹肉拿破仑批，好特别既款式，食落有多层口感，海胆同蟹肉配搭得好夹！盐烧三文鱼腩烧得岩岩好