豚丼のぶたはげ (康怡廣場北座)

营业中

休息中

最近食咗间好有惊喜嘅天丼本身主打豚丼嘅「豚丼のぶたはげ 」推出咗超高质嘅「蟹」主题 天丼同炸物🥢蟹天丼定食👉🏻盛载住满满蟹炸物嘅天丼 非常有气派 当然唔止睇得 亦都好好食 炸物外皮金黄酥脆得喺食落唔太油腻 👉🏻以蟹主题做嘅天妇罗亦都极具心思 特别系里面嘅半壳蟹天妇罗 外炸衣脆内蟹肉软嘅口感 鲜味又好食👉🏻蟹膏蟹肉紫菜卷天妇罗好出色 外层紫菜系香脆口感 内里包裹住蟹肉同蟹膏 口感好creamy 真系超级鲜味 👉🏻佢甘醇微甜嘅天妇罗酱汁 都系加分位 配上日本A级米 净系个汁都好好送饭🥢和牛寿喜烧御膳👉🏻除咗必试嘅蟹天丼 寿喜烧锅都好满足 菇类、豆腐、日本鸡蛋、和牛等满满嘅食材 酱汁唔会太咸或太甜 味道都好平衡👉🏻定食好丰富 有前菜、茶碗蒸、刺身、味噌汤同甜品👉🏻刺身都新鲜 肉质爽口 特别系有一只大虾 佢嘅虾头仲充满咗鲜甜嘅虾膏👉🏻亦都好欣赏佢嘅味噌汤 平时麻麻哋味噌汤 但佢嘅豚汁香味浓郁 连里面嘅豚肉都系软腍有豚肉香 真心好饮