明道

营业中

休息中

今日放假，同朋友去铜锣湾食日本菜。餐厅环境好干净企理，而且装潢都好有日本简约风格。我们简左lunch set ，包茶碗蒸，主食，味噌汤同埋甜品或者餐饮。茶碗蒸蛋十分滑，滑既程度系一摆入口都未咬得切，佢就滑左去食道!蛋应该用左高汤去蒸，所以食落好够味，亦都有种清甜既味道。主食 - 日式豚肉生姜烧配饭份量好足够，洋葱都好甜! 豚肉片吸晒汁好好食。整体酱汁既味道甜甜地，配埋姜味就减低油腻既感觉。特别系夏天，咁闷热既天气，生姜既味仲增强食欲 。主食 – 滑蛋吉列黑豚饭蛋真系好滑，仲有D蔬菜系入面，感觉好有营养。吉列黑豚唔会皮肉分离，炸得刚好，外皮仲包住D滑蛋，酱汁带甜，捞饭食都好正。甜品今日甜品系芒果雪糕，好岩夏天食，透心凉! 整体食物质素高，而且服务都好好，会再次黎食。