Mata Japanese Cuisine

营业中

休息中

之前都有黎过长沙湾广场，但唔知道原来长沙湾广场嘅3楼都有几多餐厅选择，见到Mata Japanese Cuisine都几多选择，所以决定试下。先叫左黄Cocktail，加入左Rum advocaat 同pineapple，饮落顺口香甜，饮饮下仲觉得有啲似益力多嘅味道，所以都易入口。然后仲有中华沙律同柚子萝卜，开胃一下。鸡皮薯片炸鸡皮用咗鸡髀皮，每一块都好大块，炸到金黄色，食落好香脆但毫无油腻感，加左啲七味粉调味，令人想一块接住一块咁食，送酒一流。大吟酿煮蚬用左较甜嘅清酒煮成，饮到清酒嘅香甜仲有蚬嘅鲜甜，个汤都系精华。蚬肉好大粒，份量都几多。味噌煮牛脷牛脷经过慢煮3小时，入味得黎口感非常软淋而且好嫩滑，但又唔会煮到烂哂，依然保留到口感，牛味都十足。腐乳松阪猪串松阪猪用左腐乳同酒腌制，都几特别。面珠墩嘅部位食落肥瘦适中，烧到微焦，嫩中带脆，几有口感。招牌炒饭炒饭粒粒分明，每粒饭都炒到金黄色，面头洒上紫菜粉。加入左豚肉猪油同蛋落去炒，咬到脆口嘅豚肉，整体唔会太油。花生酥香脆嘅花生酥，咬开有浆口嘅感觉，好似食紧浓浓嘅花生酱，好香嘅花生味。