Hakata Concepts

今日嚟到屯门黄金海岸食日本野，呢间Hakata Concepts环境几好，装潢有格调，好舒适，外面又可以望到黄金海岸，几chill下。-我食嘅系秋铁板烧晚市限定，都有几多野食，首先师傅上左道烧真蚝，配上旁边嘅烧蒜，非常惹味，而蚝本身亦都多汁肥美，超好食。跟住嚟嘅系鲛鱼，肉质口感较实，不过烧完之后非常香，同平时食刺身嘅好吾同，几特别。-烧大虎虾上到黎惊艳左我个一下，首先摆盘好精美，而且非常香，见到闻到就已经流晒口水，而且仲有好多膏，劲正。之后嘅烧银鳕鱼都好有惊喜，鱼皮烧得劲酥脆，食落口卜卜声，而且味道充满焦香，另外鱼肉口感依然嫩滑，真系外脆内嫩。-跟住落嚟上左一道鹅肝，分左两种，分别配黑鱼籽以及三文鱼籽，先食黑鱼籽鹅肝，鹅肝好有油脂感，再加上黑鱼籽咸香味，好好食，之后再食三文鱼籽鹅肝，三文鱼籽嘅鲜甜味又将之前嘅黑鱼籽味中和，劲享受。-再黎就系我期待己久嘅A5和牛，7成熟口感啱啱好，食落口好嫩滑，而且好有牛味，再配上明太子蔬菜，无论卖相定味道都一流。-铁板炒饭都几吾错，饭炒得好干身，粒粒分别，不过如果调味重多少少会好啲。最尾嘅疏乎厘都几好，口感几松软。