Hungry Monkey (海之戀商場) (已結業)

忌廉蟹肉薯饼喱个忌廉蟹肉薯饼一入口有好香忌廉味，而薯饼炸好又唔会冻晒，上到枱仲脆既。佢炸粉又唔会好多好厚，个可乐饼都唔错。加拿大龙虾配他他酱喱个龙虾有啲惊喜，佢个龙虾好多膏，上面有啲籽，睇落去都十分美味。另外佢只龙虾都比较属于多肉，美中不足呢就系佢无夹爆个壳旧野，令拆佢个龙虾钳有啲吃力。安格斯牛扒喱个牛扒黎到我心谂哗咁生，不过食落好有牛味。佢切到好有心思，每旧都有啲肥有啲肉咁。加埋个酱，葱同炸蒜提升返佢个味。同埋原来咁生都可以咁好食，脂肪都有好浓既牛味。朱古力炸弹喱个都十分有趣，我睇佢成粒金莎咁。一食落去都几特别，一咬穿佢就流晒啲朱古力酱出黎，仲要暖暖地，好似食紧心太软咁，真系值得一试。环境佢装修都好有日式风味，同埋啲黑板佢有画啲猩猩系度，都得意。仲有吧枱位坐，可以睇到师傅炒野咁。