明道

营业中

休息中

铜锣湾亨利中心有唔少优质餐厅，呢日朋友拣咗呢间日式餐厅。餐厅走日式木系风格，布置雅致。除一般餐枱外，亦有吧枱，更有一间独立房，环境相当舒适。午餐有多款套餐选择，套餐包括蒸蛋、面豉汤、主食、餐饮或雪糕，价钱由$158- $368不等。日式蒸蛋 - 首先要赞吓佢上枱够晒热辣辣，蛋蒸得非常滑溜，入面有白果、蟹柳同埋冬菇，味道相当唔错。海盐或汁烧活鳗鱼饭 （$268）- 店员推介下，我哋拣咗海盐烧活鳗鱼饭。呢个鳗鱼饭非常有惊喜，鳗鱼烧得非常香脆，加埋海盐调味，味道好有层次。钟意食鳗鱼嘅朋友，一定要试吓。银鳕鱼西京烧（$198）- 银鳕鱼烧得好香，肉质鲜嫩好味，点埋酱料一齐食，好开胃好味嘅一餐。雪糕可点开心果或咖啡味，我哋点咗开心果味，入口带浓浓开心果味，质地软滑。餐厅环境舒适，座位阔落，食物质素相当高，价钱合理，啱晒同朋友倾偈食饭，值得推介。