五勺

营业中

休息中

今次想介绍嘅系一间我好钟意食嘅居酒屋，平时谂唔到食咩就会提议去食嘅五勺。个环境同感觉都有少少日本feel，依几年去唔到日本，唯有去果度止下瘾。牛舌海盐烧 $72佢切得几厚，几重牛味，烧得啱啱好，入面仲系粉嫩嘅颜色，如果外面再脆少少就更好。唐扬鸡软骨 $48去居酒屋要食嘅点少得鸡软骨，依度个鸡软骨炸粉唔会太多，鸡软骨唔会太细粒，唯独个蛋黄酱偏甜，唔系个个钟意。肝酱炒小墨鱼 $68依个比我想像中好食，虽然我都未知肝酱系咩嚟，但佢个汁好惹味，除咗小墨鱼，入面仲有蘑菇同洋葱，都好好食。蒜香牛柳粒炒饭 $98个饭炒得几好，粒粒分明，几香蒜味，牛柳粒都唔算太少，亦都唔会切到好细粒，推荐晚饭需要碳水化合物嘅人叫。串烧果日叫咗美国牛小排、鸡心、鸡肾同鸡皮。美国牛小排佢烧得好好，熟度啱啱好，重牛味不过头一两嚿稍为韧少少。鸡肾鸡皮都系正常发挥，鸡心就差咗少少。其实依间嘢去过好多次，每次都冇令我失望。东风螺、吉列蚝海胆酱、免治鸡肉棒都几好食。唯独系刺身我冇系度食过。