Amplifier Restaurant (花園街) (已結業)

今日约左朋友黎呢间要上一层既餐厅食晚饭，餐厅都几阔落，装修都几有心思，卡位坐得舒服，店员细心有礼貌，服务很好，食物方面都几多选择，由其系前菜，主食方面有手工pizza，意粉，意大利饭同扒类，仲有西式甜品。我地叫左个鸡翼，一个手工pizza，一个扁意粉同一个甜品。份量都好够，我地都食到好饱。水牛城鸡翼-我地叫左五只，呢度好好，有三个件数拣，唔使惊食唔晒。鸡翼先炸又上水牛城酱汁，辣辣地，开胃惹味。四式芝士手工薄饼-pizza够薄边够脆，茄酱适中唔会过酸盖过芝士味，浓浓芝士再加埋salami，咸香好味。传统意式蒜香蚬肉扁意大利面-呢个都出色好味，有少少酒香同蒜香，蚬肉唔算大只但都好甜，唔会过熟。意大利芝士饼-tiramisu够大件，摆盘靓，旁边有士多啤梨，芒果同蓝莓，生果清甜唔酸，一啖生果一啖tiramisu，好快俾我地清左碟。